Kanu Butani Singer

A singer, Musician, Lyric Writer, Poet, Actor, Software Engineer

+91 8879828336

01 Sajna holi hai

 

Saat rangon se chooti
Rangoon ki goli hai
Apne rang mein rang de
Sajna holi hai

 

O sajna tere sang
Aaj toh jamke kheloongi
Upar se neeche tak
Tujhe rang mein rangoongi
Ja ja tujhse na hona
Tu badi bholi hai.

 

Mein rang phenkoon
Aur tu chip jati hai
Bahar aake phir tu
Andar chali jati hai
Kya baat hai kyon
Khele aankh micholi hai

 

Aise rang mein teri
Rang doonga choli
Kabhi nahin utrega
Jaan le humjoli
Mein tera dholna
Tu meri dholi hai

 

Saat janam ka vada hai
Saat janam ka saath
Saat rangon se apne
Rang diye hai haath
Banke dulhan teri
Nikli Meri doli hai

 

Dwar tere hey bhagwan
Aaya hoon lekar jholi
Dekh raha hoon tune
Potli apni kholi
Kushiyoon ke rang se
Bhar de aaj holi hai

 02 Sardi Ka Mausam
 

 

Sardi Ka Mausam
Thand lag rahi hai
Sari duniya ghar mein
Band lag rahi hai

 

Khelne jaate hai bahar
Kiski sunenge nahin
Chahe lag jaye thand
Swetar pahenege nahin
Buddhi hamari dekho
Mand lag rahi hai

 

Baahar se jaise hi hum
Ghar pahuch jaate hai
Blanket mein baithkar hum
Chai ke ghoont lagate hai
Chai peete peete kahete
Thand lag rahi hai

 

Phool to khile hai
Naali ke paas mein
Kuch accha magar bahut
Bura hai aaspaas mein
Sugandh se jyada
Durgand lag rahi hai

 

Pahadoon ko cheer kar
Jhaunka hava ka aaya
Gunj ke ped paton se
Thanda aavaahan laya
Havaoon ki aawaz
Buland lag rahi hai

 

Sabko phal phool ityadi
Saari saamgri milti hai
Sabko apne apne anusaar
Hissedari milti hai
Har ik vyakti ka yahan
Prabhandh lag raha hai

 

Barsoon se samay samay par
Mausam badalte dekhe hai
Kabhi garmi barish toh
Kabhi sardi ke din dekhe hai
Bhagwan ki yeh den
Anant lag rahi hai

 

Saagar dheeme dheeme chalke
Unchi chalang bharta hai
Door baitha hoova bhi dekho
Yeh sab dekh darta hai
Kudrat ki har cheez
Prachand lag rahi hai.

 

Bulbul Koyal ke gaane
Gungunate the baarish mein
Mor ki tarah bhi hum
Naachete the baarish mein
Ab tote maina ki boli
Current lag rahi hai

 

Meete aamo ka season
Dekho ab chala gaya
Bade kalingadoon ka mausam
Vo bhi dekho guzar gaya
Kale hare angoor vah ji
Gulkand lag rahe hai

 

Dost yaar aapas mein
Mehefil jamaye biathe hai
Sardi ke is mausam mein
Sharab lagaye baithe hai
Beer, wishky rum yahan
Mand mand lag rahi hai

 

Dhabe pe baithkar voh
Swadhith kha rahe hai
Veg aur non veg dishes
Ek ke baad ek la rahe hai
Chiken se kali dal aaj
Prachand lag rahi hai

 

Preetam pyaare ki boli
Shahad se bhi meethi hai
Haathi sa ghamand mera
Ban gaya ik chiti hai
Unki baate likha jaise ik
Chhand lag raha hai

 

Kahin jhagda zammen ka
Chal raha hai saalaon se
Vahin par pani ko bhi
Kaid kar liya baandhon ne
Baandh nahin yahan to aankhen
Band lag rahi hai

 

Aurat ki aabroo uska
Sabse kimti gehena hai
Use mat churana bas
Yahi hamara kehena hai
Jisne kiya uski choron si
Sangat lag rahi hai

 

Long drive ka sama bandhe
In sardi ke dino mein
Nikala high speed pe
100 200 milon pe
Lonavla khandala ke saath
Sambandh lag raha hai

 

Doston ki keemat kya kahen
Dosti sabse anmol hai
Doston ke saath sharab peena
Jaise mano bajta dhol hai
Unke aage million dollars bhi
Chand lag rahe hai

 

Hum hamesha soochte hai
Baahar mausam sahi hai
Doosre deshon mein thand
Aur barf padti raheti hai
Lekin aaj to mumbai bhi
London lag rahi hai

 

Dilbar tumse milkar hum
Sabkuch baaki bhool gaye
Teri baahon mein aakar hum
Dekho kaise jhool gaye
Sardi nahin ab garmi
Anant lag rahi hai

 

Jisko bhi padaee yeh
Usne kaha yeh jaanu
Itni badi kavita kaise
Likhi hai tune kaanu
Kavita nahin yeh to sardi ki
Nibandh lag rahi hai

 



Your Comment/Suggestion


Name:
E-mail:
Comment: